သူနာပြု/သားဖွားသက်ကြီးပူဇော်ပွဲကျင်းပခြင်း
Venue Hall Yangon, Yangonမြန်မာနိုင်ငံသူနာပြုနှင့်သားဖွားအသင်းသည် အဘိုးအဖွားများဖြစ်ကြသည့် အသက် ၇၀နှစ်ပြည့်နှင့်အထက် သူနာပြုများ၊ အမျိုးသမီးကျန်းမာရေးဆရာမများ၊ ဘက်စုံသားဖွားဆရာမများအား ဂါရဝတရား၊ နိဝါတ တရားတို့ဖြင့် နှစ်စဉ်ပူဇော်ကန်တော့သည့် သက်ကြီးပူဇော်ပွဲကို ကျင်းပခဲ့ရာ ၃၇ ကြိမ်မြောက်ထိရှိပြီဖြစ်သည်။ တစ်ကြိမ်လျှင် သက်ကြီးဘိုးဘွား ၄၅၀ ဦးခန့် နှစ်စဉ်ပူဇော်ကန်တော့နိုင်ခဲ့သည်။ ပြည်နယ်နှင့်တိုင်းအသီးသီးရှိ တက္ကသိုလ်များ၊ သင်တန်းကျောင်းများ၊ ဆေးရုံးများ၊ ပြည်သူ့ကျန်းမးရေးဦးစီးဌာနများ၊ တပ်မတော်ဆေးရုံးကြီးများမှ မျိုးဆက်သစ်သူနာပြုများ၊ အမျိုးသမီးကျန်းမာရေးဆရာမများ၊ ဘက်စုံသားဖွားဆရာမများက သဒ္ဓါတရားကြီးမားစွာဖြင့် စုပေါင်းထည့်ဝင်လှူဒါန်းကြသော အလှူငွေများဖြင့် မြန်မာနိုင်ငံသူနာပြုနှင့်သားဖွားအသင်း(ဗဟို)က ဦးဆောင်ကာ ပူဇော်ကန်တော့ကြခြင်းဖြစ်သည်။
